Дырэктар ААТ «Макеевічы» Марыя Глушакова лічыць, што Беларусь і Расія — адно цэлае. Гэта яскрава пацвярджае і расійскі сцяг, які развяваецца над дахам канторы гаспадаркі побач з беларускім і раённым. Марыя Іванаўна сумуе па тых савецкіх часах, калі мяжы паміж краінамі — а да яе ад аграгарадка ўсяго 1,5 кіламетра — нават не адчувалася. Цяпер усё інакш. Час ад часу пра мяжу нагадваюць пагранічнікі, якія перыядычна правяраюць машыны, што тут праязджаюць, а яшчэ — розныя грошы. Па звычцы насельніцтва ходзіць да суседзяў у крамы ды на кірмашы. І іх крыху напружвае, што кожны раз прыходзіцца мяняць рублі.
