Зусім хутка 2017 год сыдзе ў гісторыю. Па традыцыі ў гэтыя дні мы з удзячнасцю ўспамінаем усё тое добрае, што пакінуў нам адыходзячы год, ацэньваем дасягнутыя вынікі, вызначаем задачы на будучыню.

Памочнік Прэзідэнта Беларусі па нацыянальнай бяспецы Віктар Лукашэнка ў рамках акцыі «Нашы дзеці» наведаў дзіцячы дом сямейнага тыпу Рыты і Сяргея Кундзікавых ў Клічаве. Яго суправаджалі жонка і дзеці.

Рашэннем Міжнароднай федэрацыі барацьбы (UWW) бабруйчанка Ванэса Каладзінская прызнана найлепшай спартсменкай 2017 года ў жаночай барацьбе. Адпаведная інфармацыя размешчана на сайце Мінспорту Беларусі.

Дэпутаты Магілёўскага абласнога Савета зацвердзілі на пасяджэнні трыццаць другой сесіі праект бюджэту рэгіёна на 2018 год.

Дэпутаты Магілёўскага абласнога Савета зацвердзілі асноўныя паказчыкі прагнозу сацыяльна-эканамічнага развіцця Магілёўскай вобласці на 2018 год. Праект разглядаўся 26 снежня на пасяджэнні трыццаць другой сесіі аблсавета.

На рэалізацыю інвестыцыйнай праграмы Магілёўскай вобласці у 2018 годзе плануецца накіраваць амаль Вr44 млн. Такая лічба была агучана на пасяджэнні трыццаць другой сесіі Магілёўскага абласнога Савета дэпутатаў.

У пятнаццаці патрульных аўтамабілях і пяці кабінетах адміністрацыйнай практыкі ДАІ АУС Магілёўскай вобласці ўстаноўлены банкаўскія аплатныя тэрміналы. Пра гэта паведаміў намеснік начальніка ўпраўлення фінансаў і тылу УУС Сяргей Балоцін.

У Магілёўскай вобласці выбарчыя камісіі ўжо акрэдытавалі 118 назіральнікаў за ходам выбараў у мясцовыя Саветы дэпутатаў 28 склікання. Пра гэта паведамілі ў Магілёўскай абласной выбарчай камісіі.

У 2018 годзе 65 перспектыўных спартсменаў Магілёўскай вобласці, якія прадстаўляюць 19 відаў спорту, будуць атрымліваць імянныя стыпендыі. Такое рашэнне прынята на пасяджэнні трыццаць другой сесіі Магілёўскага абласнога Савета дэпутатаў 27 склікання. Падставай сталі вынікі, дасягнутыя моладдзю на афіцыйных міжнародных і рэспубліканскіх спаборніцтвах у бягучым годзе.

У Магілёве сёння падчас дабрачыннай акцыі «Нашы дзеці» прайшла галоўная ёлка вобласці з удзелам старшыні Магілёўскага аблвыканкама Уладзіміра Даманеўскага.

Ва УУС Магілёўскага аблвыканкама адбылося ўрачыстае ўручэнне медаля «За адвагу» ветэрану Вялікай Айчыннай вайны палкоўніку міліцыі ў адстаўцы Максіму Застрэлаву. Цырымонію правёў памочнік ваеннага аташэ пры пасольстве Расійскай Федэрацыі ў Рэспубліцы Беларусь маёр Ілья Мелітоўскі.

У Магілёўскім дзяржаўным універсітэце харчавання рыхтуюцца да серыйнага выпуску сухіх сумесяў для падрыхтоўкі вітамінных кактэйляў на аснове прарошчаннага збожжа з пладова-ягаднымі напаўняльнікамі.

Базавая велічыня ў Беларусі з 1 студзеня 2018 года вырасце да Br24,5. Гэта прадугледжана пастановай Савета Міністраў ад 22 снежня 2017 года нумар 997, паведамілі ў прэс-службе ўрада.

Прэзідэнт Беларусі Аляксандр Лукашэнка 26 снежня падпісаў указ нумар 463 «Аб удасканаленні парадку адабрання і прадастаўлення зямельных участкаў». Аб гэтым паведамілі ў прэс-службе кіраўніка дзяржавы.

За мінулыя выхадныя дні ў Магілёўскай вобласці адбылося восем пажараў. Адзін з іх прывёў да гібелі мужчыны, паведаміла карэспандэнту сайта старшы інспектар Цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.

За 11 месяцаў 2017 года супрацоўнікі ДАІ Магілёўскай вобласці выявілі больш за 2,5 тыс. фактаў кіравання транспартам у нецвярозым стане, 117 вадзіцеляў затрыманы паўторна. Пра гэта паведаміла інспектар аддзялення па агітацыі і прапагандзе ДАІ УУС Магілёўскага аблвыканкама Таццяна Старасотнікава.

Mogilev invest day адбудзецца 28 снежня ў Магілёве ў актавай зале Беларуска-Расійскага ўніверсітэта. Пра гэта паведаміла начальнік аддзела падтрымкі і развіцця малога прадпрымальніцтва УКП «Магілёўскі гарадскі цэнтр развіцця малога прадпрымальніцтва» Альбіна Самусенка.

Намеснік старшыні канцэрна «Беллеспаперапрам» Генадзь Дзікавіцкі павіншаваў навучэнцаў Бабруйскай дзяржаўнай спецыяльнай агульнаадукацыйнай школы-інтэрната для дзяцей з парушэннем слыху з Калядамі і Новым годам падчас рэспубліканскай акцыі «Нашы дзеці», паведамілі ў прэс-службе канцэрна.

Абласное святочнае мерапрыемства «На навагодняй хвалі» прайшло ў Горках. Напярэдадні Новага года ў БДСГА сабраліся перспектыўныя маладыя спецыялісты, якія робяць першыя крокі ў прафесіі на прадпрыемствах і ў арганізацыях рэгіёна. Ініцыятарам правядзення такіх сустрэч з’яўляецца старшыня Магілёўскага аблвыканкама Уладзімір Даманеўскі.

Прамую тэлефонную лінію правядзе 30 снежня намеснік старшыні Магілёўскага аблвыканкама Андрэй Міхайлавіч Кунцэвіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.