З 1 студзеня 2019 года змяняецца памер месячнай мінімальнай заработнай платы, ён усталёўваецца ў памеры Br330. Такое рашэнне прынята пастановай Савета Міністраў ад 5 снежня 2018 года №870, паведамілі ў Міністэрстве працы і сацыяльнай абароны.

З 1 студзеня 2018 года памер МЗП складаў Br305.

Больш за 100 мерапрыемстваў запланавана ў Магілёве да Новага года і Каляд. У чарадзе святочных забаў знайшлося месца як для ўпадабаных жыхарам абласнога цэнтра мерапрыемстваў, так і для новых. Многія традыцыйныя дзействы памяняюць фармат. Нязменнымі застануцца іх душэўная атмасфера, маляўнічасць і запал.

Больш за 300 спартсменаў прыме ўдзел у рэспубліканскіх спаборніцтвах па лёгкай атлетыцы памяці заслужанага трэнера Беларусі Фёдара Кулакоўскага. Традыцыйныя спаборніцтвы трынаццаты раз пройдуць у Магілёўскім СК «Алімпіец», паведаміла галоўны сакратар першынства Алена Карнеенка.

У лабавым сутыкненні двух легкавых аўтамабіляў у Бабруйскім раёне адзін чалавек загінуў, яшчэ адзін траўмаваны. Пра гэта паведамілі ў аддзяленні па агітацыі і прапагандзе УДАІ УУС Магілёўскага аблвыканкама.

На пасяджэнні Магілёўскага аблвыканкама сёння разгледзелі меры па барацьбе з карупцыяй у органах мясцовага кіравання. Нягледзячы на пазачарговы статус, яно насіла планавы характар: падобныя мерапрыемствы праходзяць ва ўсіх рэгіёнах краіны.

У Магілёве за мінулыя суткі ва ўстановы аховы здароўя звярнулася больш за 50 чалавек, якія пацярпелі ад халадовых і галалёдных траўм. Адпаведная інфармацыя размешчана на сайце Міністэрства аховы здароўя Беларусі.

Дабрачынная акцыя «Цуды на Каляды» стартуе ў Магілёўскай вобласці 6 снежня. Пра гэта карэспандэнту сайта паведамілі ў абласным камітэце ГА «Беларускі рэспубліканскі саюз моладзі».

У Магілёўскай вобласці ўвядуць паніжальныя каэфіцыенты платы за карыстанне інтэрнатамі. Ён будзе роўны 0,2. Так вырашыў аблвыканкам. Аднак рашэнне яшчэ не ўступіла ў законную сілу.

Галоўны рэжысёр Магілёўскага абласнога драматычнага тэатра Саўлюс Варнас вярнуўся з Кітая, дзе прымаў удзел у 9-м Міжнародным кірмашы перфарматыўных мастацтваў у Гуанчжоу і 2-й штогадовай канферэнцыі Міжнароднай лігі тэатраў «Шаўковы шлях». Галоўным вынікам паездкі стала ўступленне нашага драмтэатра ў асацыяцыю «Шаўковы шлях», паведамілі карэспандэнту сайта ў адміністрацыі ўстановы культуры.

У Магілёве 5 снежня пройдуць традыцыйныя «Снежаньскія сустрэчы» з артыстамі і галоўным рэжысёрам абласнога драмтэатра Саўлюсам Варнасам. Пра гэта карэспандэнту сайта паведамілі ў адміністрацыі ўстановы культуры.

У Асіповічах пачалася тэставая эксплуатацыя фізкультурна-аздараўленчага комплексу «Жамчужына». Пра гэта паведамілі ў райвыканкаме.

Гэта апошні этап перад афіцыйным адкрыццём, на працягу якога ў зберагалым рэжыме правераць работу спортінвентара, вырашаць астатнія арганізацыйныя пытанні.

У Магілёўскай вобласці стартаваў дабрачынны марафон «Сагрэем дзіцячыя сэрцы», паведаміла дырэктар Магілёўскага абласнога аддзялення РГА «Беларускі дзіцячы фонд» Ірына Фісюк.

Тэлефонную лінію па пытаннях перавышэння тэмпературы ўнутры жылых памяшканняў адкрыла абласное ўпраўленне па наглядзе за рацыянальным выкарыстаннем паліўна-энергетычных рэсурсаў. Пра гэта карэспандэнту сайта паведаміла намеснік начальніка вытворча-тэхнічнага аддзела абласнога ўпраўлення Эма Урублеўская.

Вечар памяці «Боль і мужнасць армянскага народа», прысвечаны 30-годдзю трагічных падзей – землетрасенню ў горадзе Спітаку, адбудзецца 7 снежня ў 16.30 у кінатэатры «Радзіма». Пра гэта карэспандэнту сайта паведамілі ў аддзеле рэкламы, сувязі са СМІ і метадычнай работы Магілёўскага дзяржаўнага прадпрыемства «Кінавідэапракат».

У Магілёве на плошчы Леніна ідзе ўстаноўка галоўнай навагодняй ёлкі вобласці. Сямнаццаты год запар яе асновай становіцца 27-метровая металічная канструкцыя, якая складаецца са зборных модуляў.

У Мінску прадставілі талісман II Еўрапейскіх гульняў. Сімвалам галоўнай спартыўнай падзеі ў Беларусі ў наступным годзе стане лісяня Лёсік.

Урад павялічыў грашовыя нормы расходаў на харчаванне асобных катэгорый навучэнцаў устаноў адукацыі. Адпаведная пастанова Савета Міністраў №863 прынята 30 лістапада, паведамляецца на сайце ўрада.

Прамую тэлефонную лінію правядзе 8 снежня намеснік старшыні Магілёўскага аблвыканкама Руслан Віктаравіч Пархамовіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Новае памяшканне аддзялення дзённага знаходжання для інвалідаў установы «Тэрытарыяльны цэнтр сацыяльнага абслугоўвання насельніцтва Ленінскага раёна г. Бабруйска» адкрылася ў горадзе на Бярэзіне па адрасе: вуліца Урыцкага, 125.

Аддзел па наглядзе за выкананнем заканадаўства ў войсках пракуратуры Магілёўскай вобласці правёў праверку жыллёвага заканадаўства і заканадаўства, накіраванага на папярэджанне пажараў у інтэрнатах вайсковых частак, якія дыслакуюцца на тэрыторыі Магілёўскай вобласці. Пра гэта паведаміў старшы пракурор аддзела Андрэй Будзько.