Пытанні фарміравання адзінай міграцыйнай і візавай прасторы будуць разгледжаны 18 красавіка ў Магілёве на пасяджэнні Камісіі Парламенцкага сходу Саюза Беларусі і Расіі па заканадаўстве і рэгламенце, паведамілі ў прэс-службе схода.

Цэнтральную вуліцу Клічава чакае рэканструкцыя. Да канца красавіка на плошчы 30-годдзя Перамогі пачнуць дэмантаж тратуарнай пліткі і бардзюрнага каменю, а поўнамаштабная будоўля ў самым сэрцы горада разгорнецца ўжо ў маі.

Сесія Магілёўскага абласнога Савета дэпутатаў адбудзецца 19 красавіка ў канферэнц-зале аблвыканкама. Удзельнікі мерапрыемства абмяркуюць стан і перспектывы рэалізацыі дзяржаўнай маладзёжнай палітыкі ў рэгіёне, зацвердзяць справаздачу аб выкананні абласнога бюджэту за 2016 год.

Прамую тэлефонную лінію правядзе 15 красавіка намеснік старшыні Магілёўскага аблвыканкама Віктар Уладзіміравіч Некрашэвіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Фрэзероўшчык ААТ «Магілёўліфтмаш» Васіль Дзівакоў стаў лепшым на рэспубліканскім конкурсе прафесійнага майстэрства «Беларускі майстар – 2017», фінал якога прайшоў на базе ААТ «БелАЗ».

У цэнтры сацыяльнага абслугоўвання насельніцтва Ленінскага раёна Магілёва арганізавалі бясплатнае кансультаванне інвалідаў з парушэннем слыху праз Skype. Пра гэта паведаміла загадчыца аддзялення суправаджальнага пражывання цэнтра Кацярына Жарыкава.

11 красавіка ва ўсім свеце адзначаецца Міжнародны дзень вызвалення вязняў фашысцкіх канцлагераў, дзень смутку мільёнаў загінуўшых вязняў фашызму. Страшная гістарычная дата, прысвечаная страшным падзеям 20 стагоддзя. У Магілёве ў гэты дзень пройдзе мітынг і ўскладанне кветак да помніка «Дзецям вайны». Дзеці, нароўні з дарослымі, спазналі жахі канцэнтрацыйных лагераў. Магілёўскі гісторык Генадзь Ваўчок заклікае моладзь і ўсю грамадскасць горада не забываць гэту страшную дату ў гісторыі Еўропы.

Цэны на прыродны газ для некаторых катэгорый карыстальнікаў адкарэкціраваны ў Беларусі. Такая інфармацыя размешчана на Нацыянальным прававым інтэрнэт-партале.

За час акцыі “Тыдзень леса” ў Магілёўскай вобласці высадзілі звыш 3,4 млн дрэў. Пра гэта паведаміў вядучы інжынер па лесааднаўленні і меліярацыі Магілёўскага дзяржаўнага лесагаспадарчага вытворчага аб’яднання Аляксандр Зайцаў.

У Магілёўскай вобласці павышаюць надзейнасць электразабеспячэння сельскіх населеных пунктаў. Пра гэта паведаміў начальнік службы перспектыўнага развіцця прадпрыемства РУП «Магілёўэнерга» Аляксандр Алейнікаў.

Камітэт па клубным ліцэнзаванні Асацыяцыі «Беларуская федэрацыя футбола» прыняў рашэнне аб выдачы футбольнаму клубу «Днепр» ліцэнзіі, якая дае права выступаць у вышэйшай лізе сезона 2017 года. Пра гэта паведамілі ў прэс-службе ФК.

У Клімавічах неабходна актывізаваць работы па праграме капрамонту і мадэрнізацыі жылля. Такое даручэнне зрабіў падчас асабістага прыёму грамадзян у райвыканкаме старшыня Магілёўскага аблвыканкама Уладзімір Даманеўскі.

28 жылых дамоў аграгарадка Верамейкі Чэрыкаўскага раёна падключаць да гарачага водазабеспячэння ад новай кацельні. У населеным пункце працягваецца яе будаўніцтва. Ужо гатовы каркас будынка.

Лічаныя дні застаюцца да пачатку XII Міжнароднага моладзевага тэатральнага форума «M.@rt.кантакт». На сёння ўжо прададзена 83% білетаў на спектаклі, паведаміла карэспандэнту сайта літаратурны рэдактар абласнога драматычнага тэатра Вольга Семчанка.

Першы конкурс тэатральнага мастацтва “У святле сафітаў Бабруйск!” пройдзе 11-13 красавіка ў горадзе на Бярэзіне, паведамілі ў Бабруйскім гарвыканкаме.

Магілёўскай вобласці трэба больш актыўна рухаць свой тавар на новыя рынкі. Пра гэта заявіў на сесіі Магілёўскага абласнога Савета дэпутатаў намеснік прэм’ер-міністра Міхаіл Русы.

Лясгасы Магілёўскай вобласці плануюць нарыхтаваць у гэтым сезоне больш за 2,2 тыс. т. бярозавага соку. Пра гэта карэспандэнту сайта паведаміў начальнік аддзела вытворчасці і рэалізацыі прадукцыі Магілёўскага дзяржаўнага лесагаспадарчага аб’яднання Васіль Шык.

Только грамотные специалисты смогут обеспечить прорыв к новым технологиям и кардинальному улучшению качества жизни людей. Такое мнение высказал сегодня на мероприятии «Мы – граждане Беларуси!», посвященном Дню Конституции, первый заместитель председателя Могилевского облисполкома Олег Чикида.

У Магілёве ўпершыню адбудзецца сустрэча гарадоў-пабрацімаў Беларусі і Расіі. Яна пройдзе 30-31 сакавіка пад эгідай Беларускай грамадскай арганізацыі «Пародненыя гарады», якую ўзначальвае Барыс Батура.

У Магілёўскай вобласці ў 2017 годзе плануецца працаўладкаваць не менш за 22 тыс. грамадзян, у тым ліку на зноў створаныя працоўныя месцы за кошт новых вытворчасцяў і прадпрыемстваў амаль 5 тыс. чалавек. Пра гэта паведаміла намеснік старшыні камітэта па працы, занятасцi i сацыяльнай ахове Магілёўскага аблвыканкама Вольга Хадускіна.