Рэспубліканскі тэатр беларускай драматургіі (г. Мінск) прадставіў на ХII Міжнародным моладзевым тэатральным форуме «М.@rt.кантакт-2017» драму на беларускай мове «Гэта ўсё яна». П'еса была напісана Андрэем Івановым у межах Першай міжнароднай драматургічнай лабараторыі (Цэнтр беларускай драматургіі) і ўжо пастаўлена ў Расіі, Латвіі, Украіне, Чэхіі, Беларусі (Віцебск) і Уругваі.

Кіеўскі тэатр «Залатыя вароты» прадставіў на ХII Міжнародным моладзевым тэатральным форуме «М.@rt.кантакт-2017» чорную камедыю «Каралева прыгажосці, або Перад смерцю не надыхаешся». Гэта гісторыя аб хатняй вайне, якая ідзе паміж старой маці Мэг Фолан і яе дачкой - саракагадовай дзевай Морын. Але гэта яшчэ і гісторыя кахання. Рэжысёр – Максім Галенка.

У сёмы дзень XII Міжнароднага моладзевага тэатральнага форуму «M.@rt.контакт» гледачы ўбачылі шоу Брэмнера Дзьюці з Нью-Ёрка «'33 (Кабарэ)». Пастаноўка ішла на англійскай мове з субтытрамі. Артыст звярнуўся да гісторыі знакамітага берлінскага кабарэ «Эльдарада», дзе выступала Марлен Дзітрых і іншыя знакамітасці, а з прыходам да ўлады нацыстаў установа была закрыта.

Танцавальны перформанс «Прадметная размова» прывёз Беларускі дзяржаўны моладзевы тэатр (г. Мінск) на ХII Міжнародны моладзевы тэатральны форум «М.@rt.кантакт-2017». На сцэне КЗ «Магілёў» 25 сакавіка танцоўшчыкі разбіраліся ў тым, што ёсць сучаснае мастацтва, наколькі яно прадметна або дастаткова прадставіць патрэбны кантэкст, а сам арт-аб'ект не важны. Вялікая частка дзеяння заснавана на імправізацыі і ўзаемадзеянні з вербальнай нагрузкай. Аўтар ідэі і рэжысёр - Вольга Скварцова.