Рэжысёрская лабараторыя «Вучні Тумінаса» пры Дзяржаўным акадэмічным тэатры імя Я.Вахтангава і Тэатральным інстытуце імя Б.В.Шчукіна (г. Масква) прывезла на ХII Міжнародны маладзёжны тэатральны форум «М.@rt.кантакт-2017» фарс «Кароль памірае». У спектаклі, які прайшоў на сцэне Магілёўскага абласнога драматычнага тэатра 22 сакавіка, рэжысёр Анатоль Шульеў спрабуе спыніць момант пераходу паміж жыццём і смерцю і разгледзець яго ва ўсіх падрабязнасцях.

На сцэне Магілёўскага драматычнага тэатра пасля цырымоніі адкрыцця ХII Міжнароднага маладзёжнага тэатральнага форума «М.@rt.кантакт-2017» была паказана камедыя «Месяц у вёсцы» Расійскага дзяржаўнага акадэмічнага тэатра драмы імя Фёдара Волкава (Яраслаўль). Дынамічны і дасціпны спектакль па творы Івана Тургенева пастаўлены вядомым расійскім рэжысёрам Яўгенам  Марчэлі. Камедыя была вылучана на нацыянальную тэатральную прэмію Расіі «Залатая Маска-2016» у шасці намінацыях.

Урачысты сход Магілёўскай абласной арганізацыі ветэранаў, прысвечаны 30-годдзю Беларускага грамадскага аб’яднання ветэранаў, прайшоў 21 сакавіка ў канферэнц-зале Магілёўскага аблвыканкама. Удзельнікамі мерапрыемства сталі прадстаўнікі выканаўчай і прадстаўнічай улады рэгіёна, кіраўнікі абласных службаў і ведамстваў, грамадскіх аб’яднанняў, актыў ветэранскай арганізацыі. Людзі, якія сабраліся, успомнілі слаўныя і гераічныя моманты гісторыі, карысныя справы і значныя мерапрыемствы.