Цэнтр экспрэс-дыягностыкі па прадастаўленні платных медыцынскіх паслуг адкрылі на базе гарадской бальніцы Магілёўскай хуткай медыцынскай дапамогі 15 лютага. Дыягнастычныя магчымасці шматпрофільнага стацыянара і наяўнасць вопытных спецыялістаў практычна ўсіх спецыяльнасцяў дазваляюць на працягу 1-2 дзён ажыццявіць комплекснае медыцынскае абследаванне або атрымаць кансультацыю ўрача. Напрыклад, тут можна зрабіць магнітна-рэзанансную і рэнтгенаўскую камп’ютарную тамаграфіі, УГД, унутрывеннае лазернае апрамяненне крыві і інш.

Мітынг-рэквіем, прысвечаны 28-й гадавіне вываду савецкіх войскаў з Афганістана, 15 лютага прайшоў у Магілёве на набярэжнай Дняпра. У мерапрыемстве прыгнялі ўдзел воіны-інтэрнацыяналісты, кіраўніцтва вобласці і горада, прадстаўнікі грамадскасці і моладзевых арганізацый. Яны ўсклалі вянкі і кветкі да помніка-капліцы, ушанавалі хвілінай маўчання мужнасць герояў. Неўміручасці і памяці загінуўшых салдацкія ўшанаванні аддала калона парадных разлікаў воінаў Магілёўскага гарнізона, абласнога кадэцкага вучылішча, ваеннага класа сярэдняй школы № 12 і воінаў-інтэрнацыяналістаў.