Зімовае спартыўнае свята “Беларуская лыжня – 2017” прайшоў 11 лютага ў Пячэрскім лесапарку. Спаборніцтва сабрала больш за 500 чалавек з усіх раёнаў вобласці, а таксама Магілёва і Бабруйска. Удзельнікі мерапрыемства спаборнічалі ў 13 узроставых катэгорыях. На старт выходзілі старшыні камітэтаў, начальнікі ўпраўленняў аблвыканкама і іх намеснікі, старшыні гаррайвыканкамаў, кіраўнікі адміністрацый і іх намеснікі. Выступалі мужчыны і жанчыны 30-39, 40-49, 50-54, 55-60, 60-70, звыш 70 гадоў, маладыя людзі ва ўзросце 18-29 гадоў.

Бабруйск 8 лютага прыняў эстафету культурнай сталіцы Беларусі ад Маладзечна. Урачыстая цырымонія адбылася ў час выязной калегіі Міністэрства культуры Рэспублікі Беларусь, якая праходзіла ў горадзе на Бярэзіне. Тут жа ўшаноўвалі пераможцаў рэспубліканскіх конкурсаў “Чалавек Года культуры”, “Горад культуры ў Год культуры” і інш.

Фота – газеты «Бабруйскае жыццё», «Вечерний Бобруйск»,«Коммерческий курьер»

Больш за 60 праектаў прадставілі магілёўскія школьнікі на гарадской эстафеце тэхнічных ідэй “Дзеці. Тэхніка. Творчасць”. Мерапрыемства адбылося 28 студзеня ў межах VIII рэспубліканскага конкурсу “ТэхнаІнтэлект”. Удзельнікі конкурсу – навучэнцы ўстаноў агульнай сярэдняй і дадатковай адукацыі горада ва ўзросце ад 11 да 19 год – прэзентавалі работы па 11 секцыях.