Сесія Магілёўскага абласнога Савета дэпутатаў адбудзецца 19 красавіка ў канферэнц-зале аблвыканкама. Удзельнікі мерапрыемства абмяркуюць стан і перспектывы рэалізацыі дзяржаўнай маладзёжнай палітыкі ў рэгіёне, зацвердзяць справаздачу аб выкананні абласнога бюджэту за 2016 год.

Фрэзероўшчык ААТ «Магілёўліфтмаш» Васіль Дзівакоў стаў лепшым на рэспубліканскім конкурсе прафесійнага майстэрства «Беларускі майстар – 2017», фінал якога прайшоў на базе ААТ «БелАЗ».

11 красавіка ва ўсім свеце адзначаецца Міжнародны дзень вызвалення вязняў фашысцкіх канцлагераў, дзень смутку мільёнаў загінуўшых вязняў фашызму. Страшная гістарычная дата, прысвечаная страшным падзеям 20 стагоддзя. У Магілёве ў гэты дзень пройдзе мітынг і ўскладанне кветак да помніка «Дзецям вайны». Дзеці, нароўні з дарослымі, спазналі жахі канцэнтрацыйных лагераў. Магілёўскі гісторык Генадзь Ваўчок заклікае моладзь і ўсю грамадскасць горада не забываць гэту страшную дату ў гісторыі Еўропы.