XIV адкрыты турнір «Інтэрбаскет» сярод юнацкіх каманд гарадоў-пабрацімаў і гарадоў-партнёраў прайшоў у Магілёве 3-6 красавіка. Гульні прымаў Дом спорту. За галоўны прыз спаборніцтваў змагаліся шэсць каманд з Волагды, Звянігарада, Смаленска, Пензы і Магілёва. Гонар абласнога цэнтра адстойвалі дзве зборныя выхаванцаў СДЮШАР №5.

Агульнагарадскі суботнік па добраўпарадкаванні прайшоў у Магілёве 1 красавіка. У мерапрыемстве, асноўнай мэтай якога з’яўлялася прывесці ў парадак тэрыторыю абласнога цэнтра пасля зімы, прынялі ўдзел грамадскія арганізацыі, працоўныя калектывы, навучэнцы, жыхары горада на Дняпры. Асаблівую ўвагу надалі месцам баявой і воінскай славы, дварам, скверам, паркам, зонам адпачынку. Тут адрамантавалі і пафарбавалі малыя архітэктурныя формы, гульнявое абсталяванне, пасадзілі дрэвы, ачысцілі ад смецця і восеньскай лістоты.

Прадстаўнікі 24 беларускіх і 35 расійскіх гарадоў сабраліся на дзявятую сустрэчу гарадоў-пабрацімаў Беларусі і Расіі. Мерапрыемства праходзіць 30-31 сакавіка ў Магілёве. Форум сабраў больш за 170 удзельнікаў дзвюх дзяржаў. У абласны цэнтр прыбылі дэлегацыі з Масквы, Волагды, Тулы, Смаленска, Пскова, Вязьмы, Кастрамы, Валгаграда, Пензы, Жалезнагорска, Курска і іншых. Сустрэча гарадоў-пабрацімаў прымеркавана да дня яднання народаў Беларусі і Расіі, які адзначаецца 2 красавіка.