Аб'яўлены збор сродкаў на падрыхтоўку дакументаў першачарговых проціаварыйных работ у касцёле былога калегіума езуітаў XVII стагоддзя ў горадзе Мсціслаў, паведамілі ў Міністэрстве культуры Беларусі.

Кніжная выстава «Магілёўскай вобласці – 80 год» працуе ў агульнай чытальнай зале Магілёўскай абласной бібліятэкі імя У. І. Леніна. Пра гэта паведамілі ва ўстанове культуры.

З перамогі пачаў 2018 год бабруйскі ўзорны ансамбль эстрадна-спартыўнага танца «Мара». Яго ўдзельніцы вярнуліся з узнагародамі Міжнароднага дзіцячага і юнацкага агульнажанравага музычнага фестывалю ў Празе «Мелодыя зімовай Чэхіі», паведамляе Магілёўскі абласны метадычны цэнтр народнай творчасці і культурна-асветніцкай працы.

Тром майстрам саломапляцення Магілёўскай вобласці прысвоена званне «Народны майстар Рэспублікі Беларусь». Такое рашэнне было прынята на пасяджэнні экспертнай камісіі пры Беларускім саюзе майстроў народнай творчасці.

Ганаровага звання ўдастоены Алена Зушчык і Ірына Хізанейшвілі з Горак, а таксама Ірына Кухціна з Быхава.

У Магілёве на сцэне абласнога драматычнага тэатра адбудзецца паказ жартаўлівага рок-мюзікла «Страсці па Цілю». Пастаноўку на дзве дзеі прадставіць у горадзе на Дняпры тэатр Генадзя Гладкова «Тэрыторыя мюзікла» з Менска.

Тэлеканал «Беларусь 4. Магілёў» запускае ў прамы эфір новы тэлепраект «Чацвёртая студыя», які таксама будзе транслявацца ў інтэрнэце. Прэм’ера адбудзецца у чацвер, 4 студзеня, у 19:15. Госці праграмы – магілёўскія музыканты групы CRISPY, LIS, «Барон Мюнхгаўзен».

Магілёўская гарадская капэла падрыхтавала да святаў канцэрт старадаўняй музыкі. Мерапрыемства адбудзецца 27 снежня ў Касцёле Узнясення Найсвяцейшай Панны Марыі, паведамілі ў адміністрацыі капэлы.

У праграме запланаваны канцэрт для трох скрыпак і струнных знакамітага нямецкага кампазітара Іагана Себасцьяна Баха, сімфонія рэ мажор італьянскага маэстра Антоніа Вівальдзі, кантата «Dixit Dominus» для салістаў, хору і аркестра кампазітара эпохі Асветы Георга Фрыдрыха Гендэля.

Каталіцкая царква гатова аднавіць фасад касцёла Беззаганнага Зачацця Найсвяцейшай Панны Марыі ў Бабруйску і спадзяецца на супрацоўніцтва з уладамі ў гэтым пытанні, паведаміў журналістам дапаможны епіскап Мінска-Магілёўскай архіепархіі Аляксандр Яшэўскі.

У Палацы мастацтваў Бабруйска сёння пройдзе ўрачыстая цырымонія закрыцця рэспубліканскай акцыі «Культурная сталіца Беларусі 2017». Пра гэта паведамілі ў гарвыканкаме.

Вядомыя хіты рок- і поп-музыкі прагучаць у суправаджэнні сімфанічнага аркестра і хору Магілёўскай гарадской капэлы пад кіраваннем Сяргея Лішчанкі. Мерапрыемства адбудзецца 14 снежня ў гарадскім цэнтры культуры і вольнага часу, паведамілі ў адміністрацыі капэлы.

У Магілёве 11 снежня пройдуць адборачныя туры конкурсаў Міжнароднага фестывалю мастацтваў «Славянскі базар у Віцебску». Пра гэта карэспандэнту сайта паведамілі ў галоўным упраўленні ідэалагічнай работы, культуры і па справах моладзі аблвыканкама.

Так, у 10.30 у канцэртнай зале «Магілёў» адбудзецца праслухоўванне прэтэндэнтаў на права ўдзелу ў міжнародным конкурсе выканаўцаў эстраднай песні «Віцебск» і дзіцячым музычным конкурсе «Віцебск».

Латвійская дэлегацыя наведае Магілёў 12-14 снежня. Візіт адбудзецца ў рамках рэалізацыі дамовы аб міжнародным супрацоўніцтве ў сферы культуры і мастацтва паміж Магілёўскай дзяржаўнай гімназіяй-каледжам мастацтваў і Наўенскай музычнай і мастацкай школай, паведамілі карэспандэнту сайта ў гарвыканкаме.

Узначаліць дэлегацыю гасцей віцэ-прэзідэнт міжнароднай асацыяцыі музычных школ «Con Anima», дырэктар прэстыжных міжнародных фестываляў і конкурсаў, член міжнароднай канфедэрацыі акардэаністаў Сподрыс Качанс.

Рэгіянальныя калядныя адукацыйныя чытанні «Маральныя каштоўнасці і будучыня чалавецтва» адбудуцца ў Бабруйску 12 снежня. Пра гэта паведамілі ў Бабруйскай епархіі.

Выдатны музыкант, народны артыст Беларусі Ігар Алоўнікаў 8 снежня выступіць у Магілёве з канцэртам у суправаджэнні сімфанічнага аркестра гарадской капэлы.

Магілёўская абласная філармонія падорыць жыхарам горада на Дняпры казачны канцэрт «Новы год круглы год». Пра гэта карэспандэнту сайта паведамілі ва ўстанове культуры.

XI абласныя Свята-Георгіеўскія агульнаадукацыйныя чытанні, прысвечаныя 300-годдзю з дня нараджэння архіепіскапа Магілёўскага і Беларускага, Свяціцеля Георгія Каніскага, адбудуцца ў горадзе на Дняпры 1 снежня. Пра гэта паведамілі ў Магілёўскім епархіяльным упраўленні.

У Бабруйску адкрылі тэлеканал «Бабруйск-360». Радасць урачыстага моманту з калектывам падзялілі старшыня Бабруйскага гарвыканкама Аляксандр Студнеў, старшыня Бабруйскага райвыканкама Павел Найдзён, першы намеснік міністра інфармацыі Беларусі Ігар Луцкі, начальнік галоўнага ўпраўлення ідэалагічнай работы, культуры і па справах моладзі Магілёўскага аблвыканкама Кацярына Музычэнка, дэпутаты Палаты прадстаўнікоў Нацыянальнага сходу Рэспублікі Беларусь Ірына Рынейская і Віталь Уласевіч.

Дні карэйскага кіно пройдуць у Магілёве з 30 лістапада па 2 снежня. Пра гэта паведамілі ў Магілёўскім дзяржаўным прадпрыемстве «Кінавідэапракат».

Рэспубліканскі фестываль нацыянальнай драматургіі імя В. І. Дуніна-Марцінкевіча завяршыўся ў Бабруйску.

Магілёўцаў запрашаюць на тэатральную сустрэчу з акцёрамі і галоўным рэжысёрам абласнога драмтэатра Саўлюсам Варнасам. Мерапрыемства адбудзецца сёння ў актавай зале Магілёўскай абласной бібліятэкі імя У. І. Леніна, паведамілі ва ўстанове культуры.

Гутарка, якая пачнецца ў 15.00, будзе прысвечана абмеркаванню спектакля «Жанчына мора» па п’есе нарвежскага драматурга Ібсена. Таксама ў праграме сустрэчы запланавана мультымедыйная прэзентацыя па гісторыі тэатра.

Уваход вольны.