У Магілёўскай вобласці ў 60% выпадкаў затрыманне нецвярозых кіроўцаў супрацоўнікамі ДАІ адбываецца дзякуючы пільнасці грамадзян. Пра гэта паведаміў сёння на брыфінгу, прысвечанаму прафілактыцы дарожна-транспартных здарэнняў, начальнік упраўлення ДАІ УУС Магілёўскага аблвыканкама Міхаіл Неўмяржыцкі.

У кабінеце №111 Дома Саветаў (г. Магілёў, вул. Першамайская, д.71) ажыццяўляецца прыём дакументаў па вылучэнні прадстаўнікоў у склад Магілёўскай абласной выбарчай камісіі па выбарах дэпутатаў мясцовых Саветаў дэпутатаў дваццаць восьмага склікання.

Дзякуючы асабістым прыёмам грамадзян аператыўна вырашаюцца праблемы людзей. Такое меркаванне выказала шматдзетная маці Алена Курчанка пасля прыёму ў старшыні Магілёўскага аблвыканкама Уладзіміра Даманеўскага, які прайшоў сёння ў Краснапольскім райвыканкаме.

Адзіны дзень інфармавання, які пройдзе 16 лістапада ў гарадах і раёнах Магілёўшчыны, будзе прысвечаны развіццю прадпрымальніцкай ініцыятывы і стымуляванню дзелавой актыўнасці ў Рэспубліцы Беларусь. Пра гэта карэспандэнту сайта паведамілі ў галоўным упраўленні ідэалагічнай работы, культуры і па справах моладзі аблвыканкама.

Прамую тэлефонную лінію правядзе 18 лістапада кіраўнік спраў Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Старшыня Магілёўскага аблвыканкама Уладзімір Даманеўскі 15 лістапада з 9.00 да 11.00 правядзе выязны прыём грамадзян у Краснапольскім райвыканкаме (Краснаполле, вул. Ленінская, д.1).

Прамую тэлефонную лінію правядзе 11 лістапада намеснік старшыні Магілёўскага аблвыканкама Андрэй Міхайлавіч Кунцэвіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

VI Рэспубліканскі фестываль нацыянальнай драматургіі імя В. І. Дуніна-Марцінкевіча пройдзе ў Бабруйску 17-22 лістапада.

Акцыя «Восеньскі цанапад» пройдзе 4-7 лістапада ў рознічнай гандлёвай сетцы Магілёўскай вобласці. Прадпрыемствы падрыхтавалі розныя зніжкі на харчовыя і нехарчовыя тавары, як паведамілі карэспандэнту сайта ў галоўным ўпраўленні гандлю і паслуг аблвыканкама.

Так, у Магілёве ААТ «Універмаг «Цэнтральны»» на нехарчовыя тавары 4-5 лістапада прапануе зніжкі ў памеры 10%, а 6-7 лістапада – 15%. У гандлёвых аб’ектах ААТ «Крама «Юбілейны»» з 4 па 7 лістапада на ўвесь асартымент знізяць кошт на 20%.

Культурна-спартыўны цэнтр Магілёўскага аддзялення Беларускай чыгункі стаў пераможцам абласнога этапу рэспубліканскага фестывалю творчасці «Нашы таленты табе, Беларусь!». Менавіта гэта ведамасная клубная ўстанова прадставіць 22 снежня творчасць сваіх калектываў і ўвесь Прыдняпроўскі рэгіён на сцэне Рэспубліканскага Палаца культуры прафсаюзаў. У фінале яны выступяць разам са сваімі «зорнымі» землякамі.

У Магілёўскай вобласці павышаны на Br0,05 кошт праезду ў транспарце. Адпаведнае рашэнне Магілёўскага аблвыканкама ад 23 кастрычніка 2017 года №38-15 апублікавана сёння на Нацыянальным прававым інтэрнэт-партале.

У Магілёўскай вобласці да Дня Кастрычніцкай рэвалюцыі запланавана адкрыццё шэрагу значных аб’ектаў сацыяльна-культурнага, камунальна-бытавога і вытворчага прызначэння. 7 лістапада 2017 года названая гістарычная падзея адзначыць 100-годдзе, як паведамілі карэспандэнту сайта ў галоўным упраўленні ідэалагічнай работы, культуры і па справах моладзі аблвыканкама.

Прамую тэлефонную лінію правядзе 4 лістапада кіраўнік спраў Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Удзельнікі Сусветнага фестывалю моладзі ў Сочы ад Магілёўскай вобласці падзяліліся ўражаннямі ад паездкі. Сустрэча дэлегатаў з прадстаўнікамі мясцовага Маладзёжнага парламента, выканаўчай улады, сакратарамі пярвічак гарадской арганізацыі ГА «БРСМ» адбылася на базе ліцэя БРУ.

На ХХ Міжнародным фестывалі анімацыйных фільмаў «Анімаёўка» гледачам пакажуць 240 мультфільмаў. Аб гэтым паведамілі ў Магілёўскім дзяржаўным прадпрыемстве «Кінавідэапракат».

Фестываль «Залаты шлягер» акумулюе лепшыя дасягненні славянскай і еўрапейскай культуры, беражліва захоўвае традыцыі музычнага мастацтва. На гэта 24 кастрычніка звярнуў увагу міністр культуры Беларусі Юрый Бондар, адкрываючы ў Магілёве міжнародны форум.

Гледачы «Беларусь 3» убачаць канцэрты міжнароднага фестывалю «Залаты шлягер», як паведамілі ў прэс-службе Белтэлерадыёкампаніі.

Прамую тэлефонную лінію правядзе 28 кастрычніка намеснік старшыні Магілёўскага аблвыканкама Андрэй Міхайлавіч Кунцэвіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Падчас правядзення міжнароднага музычнага фестывалю «Залаты шлягер-2017» на пляцоўцы каля Палаца культуры вобласці ў Магілёве будзе працаваць выстава-кірмаш.

Білеты на Міжнародны музычны фестываль «Залаты шлягер» карыстаюцца вялікім попытам. Форум пройдзе ў Магілёве 22-29 кастрычніка, як паведамілі карэспандэнту сайта ў абласной філармоніі.

Паводле слоў суразмоўцаў, усе сем дзён фестывалю будуць насычаны рознымі канцэртнымі праграмамі і мерапрыемствамі, у якіх прымуць удзел зоркі эстрады. «Глядач чакае гэты форум, паколькі ён дае магчымасць убачыць і пачуць любімых выканаўцаў, – адзначылі суразмоўцы. – На некаторыя канцэрты білеты ўжо не дастаць: яны разляцеліся яшчэ ў жніўні-верасні».