Цырымонія ўзнагароджання пераможцаў конкурсу на саісканне прэміі ўрада Беларусі за дасягненні ў галіне якасці ў 2017 годзе адбылася ў Нацыянальнай бібліятэцы ў Мінску.

Узнагароды за дасягненне значных вынікаў у галіне якасці і канкурэнтаздольнасці прадукцыі, паслуг або работ, укараненне інавацыйных тэхналогій і сучасных метадаў менеджменту ўручаны шасці арганізацыям. У іх ліку – ААТ «Бабруйскі завод трактарных дэталяў і агрэгатаў».

Як адзначыў намеснік прэм’ер-міністра Уладзімір Сямашка, пераможцамі сталі арганізацыі, якія стварылі эфектыўныя вытворчасці прадукцыі і паслуг, дасягнулі дзелавой дасканаласці і прызнання спажыўцоў. «Яны пабудавалі сучасныя сістэмы менеджменту і высокаэфектыўныя бізнес-працэсы, прадэманстравалі бесперапынныя паспяховыя распрацоўку і асваенне новых відаў канкурэнтаздольнай прадукцыі і высакаякасных паслуг. Інавацыйная дзейнасць гэтых арганізацый спрыяе рэалізацыі першачарговых задач развіцця эканомікі і дасягнення Мэтаў устойлівага развіцця», – дадаў ён.

Сярод іншых крытэрыяў конкурсу – экспартныя паказчыкі прадпрыемства, эфектыўнасць менеджменту, створаныя магчымасці для атрымання доўгатэрміновага поспеху ва ўмовах зменлівага канкурэнтнага асяроддзя. Улічвалася таксама здольнасць арганізацый вызначаць стратэгію свайго развіцця, знаходзіць новыя рынкі збыту, распрацоўваць і вырабляць канкурэнтаздольную інавацыйную прадукцыю, прымяняць метады сучаснага менеджменту.
Лаўрэаты прэміі на працягу трох гадоў могуць выкарыстоўваць выяву эмблемы прэміі ў маркіроўцы тавараў, дакументацыі і ў рэкламных мэтах.

Таксама былі ўручаны дыпломы пераможцам конкурсу «Найлепшы менеджар па якасці». Тут таксама быў адзначаны намеснік дырэктара па якасці ААТ «Бабруйскі завод трактарных дэталяў і агрэгатаў» Аляксандр Сакун.

По материалу БЕЛТА