Абласны фестываль-кірмаш працаўнікоў вёскі «Дажынкі» пройдзе 15 лістапада ў Магілёве. Пра гэта паведамілі ў аблвыканкаме.

Заслужаныя ўзнагароды ў Палацы культуры вобласці атрымае каля 140 работнікаў сельскай гаспадаркі рэгіёна, пераможцаў уборачнай кампаніі 2019 года. Падарункам для прысутных стануць выступленні творчых калектываў. Будуць арганізаваны канцэртныя пляцоўкі, выстава сельскагаспадарчай тэхнікі, выязны гандаль.

Урачыстае мерапрыемства прымяркуюць да Дня работнікаў сельскай гаспадаркі і перапрацоўчай прамысловасці, які ў гэтым годзе адзначаецца ў Беларусі 17 лістапада.