Беларускі крымінальны вышук 5 кастрычніка адзначыць векавы юбілей на перадавой барацьбы са злачыннасцю. Рэгіянальныя ўрачыстасці, прысвечаныя знамянальнай даце, пройдуць сёння ў Магілёве, паведамілі ва УУС аблвыканкама.

Адкрые святочныя мерапрыемствы ў 14.00 цырымонія ўзнагароджання ў актавай зале УУС аблвыканкама. Кіраўнікам і супрацоўнікам, якія маюць высокія паказчыкі ў аператыўна-службовай дзейнасці, а таксама ветэранам крымінальнага вышуку ўручаць узнагароды і падарункі.

У 16.00 на сцэне КЗ «Магілёў» адбудзецца святочны канцэрт, у якім прымуць удзел вядучыя творчыя калектывы горада і вобласці, а таксама салісты мастацкай самадзейнасці УУС.