Адкрыты дыялог «Моладзь і выбары: формула адказнасці» адбудзецца 15 лютага ў Магілёўскай абласной бібліятэцы імя У. І. Леніна. Праект з’яўляецца адным з цэнтральных мерапрыемстваў Усебеларускай акцыі БРСМ «За любімую Беларусь» на Магілёўшчыне, паведамілі карэспандэнту сайта ў абласной арганізацыі грамадскага аб’яднання «Беларускі рэспубліканскі саюз моладзі».

«Чарговы адкрыты дыялог арганізаваны напярэдадні выбараў дэпутатаў у мясцовыя Саветаў дэпутатаў Рэспублікі Беларусь 28 склікання. Падчас актуальнай дыскусіі плануецца абмеркаваць пытанні ўдзелу моладзі ў грамадска-палітычных падзеях краіны», – падкрэслілі суразмоўцы.

У якасці экспертаў дыялогу выступіць старшыня каардынацыйнай Рады грамадскіх аб’яднанняў і палітычных партый Барыс Зінкевіч, абласной арганізацыі «Белая Русь» Вячаслаў Шаршуноў, праўлення абласнога аддзялення ГА «Беларускі фонд міру» Валянціна Мельнікава, выканальнік абавязкаў старшыні абласной арганізацыі ветэранаў Сямён Капусцін, а таксама маладыя дэпутаты мясцовых Саветаў дэпутатаў 27 склікання, кандыдаты ў дэпутаты мясцовых Саветаў дэпутатаў 28 склікання, грамадзяне, якія галасуюць упершыню, актыў БРСМ.

Перад адкрыццём мерапрыемства кожны жадаючы зможа прыняць удзел у рэспубліканскай акцыі «#Моладзь_вырашае!» і пакінуць наказы будучым дэпутатам мясцовых Саветаў. Акрамя таго, моладзі будзе прадастаўлена магчымасць напісаць добрыя словы пра сваю малую радзіму.

Пачатак – 14.00.