У Магілёве ўвечары 2 верасня з сёмага паверха шматкватэрнага жылога дома па вул. Фаціна выпалааднагадовае дзіця. Пра гэта паведаміла афіцыйны прадстаўнік УСК па Магілёўскай вобласці Аксана Салянюк.

Паводле папярэдніх дадзеных, каля 17 гадзін 15 хвілін маці з малым вярнулася з прагулкі, памыла яго і паклала на канапу ў зале. Пасля жанчына адлучылася на кухню, а калі вярнулася, сына не знайшла, толькі акно было адкрыта. Відавочцам здарэння стала суседка, якая выклікала хуткую дапамогу. Дзіця засталося жывым, але атрымала шматлікія траўмы, удары і ранкі.

Хлопчык дастаўлены ў рэанімацыйнае аддзяленне дзіцячай абласной бальніцы.

Тэкст - БЕЛТА

Фота УСК па Магілёўскай вобласці