Адзіны дзень зніжак, прысвечаны Дню Перамогі, чакае жыхароў і гасцей Магілёўскай вобласці 9 Мая. Аб гэтым карэспандэнту сайта паведамілі ў галоўным упраўленні гандлю і паслуг аблвыканкама.

Па словах суразмоўцаў, для падтрымкі ўдзельнікаў Вялікай Айчыннай вайны і прыраўнаваных да іх асоб прадпрыемствамі гандлю і бытавога абслугоўвання падрыхтаваны розныя акцыі і зніжкі на тавары.

У Магілёве ў акцыі прымуць удзел універмаг «Цэнтральны» (вул. Першамайская, 61), магазіны «Юбілейны» (вул. Каралёва, 19), «Магіляўчанка» (вул. Першамайская, 20), «Поспех» (вул. Ціміразеўская, 36) і інш.

ААТ «Белгасгандль» на асобны асартымент тавараў прадаставіць зніжкі да 20%.

ААТ «Магазін «Будаўнік»» знізіць на 10% кошты на будаўнічыя матэрыялы.

Акрамя таго, ТАА «Еўрагандаль» і «РольфТрэйд», ЗАТ «Дабраном», СТАА «Либретик» і «Белінтерпрадукт» і іншымі гандлёвымі арганізацыямі на пастаяннай аснове праводзяцца распродажы, рэкламныя акцыі і іншыя мерапрыемствы па зніжэнні рознічных коштаў для сваіх пакупнікоў, а таксама дзейнічаюць дысконтныя праграмы.

У Бабруйску дадуць зніжкі магазіны «Універмаг» (вул. М. Горкага, 29 і вул. Інтэрнацыянальная, 56), «Для жанчын» (вул. Савецкая, 129), «Вясёлка» (вул. Урыцкага, 94а), «Дом абутку» (вул. М. Горкага, 41), «Поспех» (вул. Дзяржынскага, 28), «Тканіны, дываны» (вул. Горкага, 41), «Элема» №1 секцыя №10 (вул. Камсамольская, 34) і інш.

Раённыя прадпрыемствы сістэмы спажывецкай кааперацыі таксама далучацца да акцыі. 8 мая ў аб’ектах гандлю ўстановяць зніжкі да 15 працэнтаў на тавары лёгкай прамысловасці, ювелірныя вырабы, парфумерна-касметычныя тавары, мэблю.