Аграрыі Магілёўскай вобласці прыступілі да ўздыму лёну, паведамілі ў Камітэце па сельскай гаспадарцы і харчаванні аблвыканкама.

Першымі да ўборкі беларускага шоўку прыступілі Горацкі, Круглянскі і Шклоўскі раёны. Паводле інфармацыі на 5 верасня, паднята лёну з тэрыторыі 248 га, або 3% ад пасяўных плошчаў. Ураджайнасць складае 29 ц/га. «калі параўноўваць з леташняй, то ўраджайнасць на сённяшнюю дату ніжэйшая на 5 ц/га, але мы разлічваем, што яна будзе вышэйшай. Бо пачатак гэтых работ не паказальны, бо яны вядуцца выбарачна і аграрыі яшчэ не прыступілі да ўборкі асноўных плошчаў», – адзначылі суразмоўцы.

Усяго нарыхтавана 707 т ільнотрасты, а яе сярэдні нумар складае 0,85 (на гэтую ж дату мінулага года была адзінка). «Перад аграрыямі стаіць задача максімальна хутка прыбраць ільнотрасту з палёў. Мы спадзяёмся ўкласціся да 25 верасня, і на гэта нацэльваем ільновадаў», – сказалі ў Камітэце сельскай гаспадаркі і харчавання.

Каля 50% ільновалакна заводы вобласці паставяць у лік дзяржзаказу, астатняе рэалізуюць на ўнутраным і знешнім рынках. «Пакуль мы лідзіруем сярод іншых рэгіёнаў па выкананні дзяржзаказу. За студзень-жнівень пастаўлена 2290 т ільновалакна, або 109,6% у параўнанні з аналагічным перыядам 2017-га», – паведамілі ў аблвыканкаме.

БЕЛТА