Агульнагарадскі суботнік па добраўпарадкаванні адбудзецца ў Магілёве 28 кастрычніка. Пра гэта карэспандэнту сайта паведамілі ў аддзеле ідэалагічнай работы, культуры і па справах моладзі гарвыканкама.

Да ўдзелу ў суботніку запрошаны грамадскія арганізацыі, працоўныя калектывы, навучэнцы, жыхары горада на Дняпры. Галоўная мэта штогадовай акцыі – навесці парадак на тэрыторыі Магілёва перад зімой.

Асаблівую ўвагу нададуць дварам, скверам, паркам, зонам адпачынку. Тут будзе весціся пасадка дрэў, ачыстка ад смецця і восеньскай лістоты.