У гаспадарчае вядзенне рэспубліканскага вытворча-гандлёвага ўнітарнага прадпрыемства «Кіруючая кампанія холдынгу «Беларуская цэментная кампанія»» да 1 сакавіка будуць перададзены акцыі ААТ «Беларускі цэментны завод» і «Крычаўцэментнашыфер», якія знаходзяцца ва ўласнасці Рэспублікі Беларусь. Гэта прадугледжана пастановай Савета Міністраў ад 17 студзеня 2019 года нумар 31, якая афіцыйна апублікавана на Нацыянальным прававым інтэрнэт-партале.

Акцыі гэтых прадпрыемстваў будуць перададзены ў валоданне беларускай цэментнай кампаніі бязвыплатна.

Акрамя таго, да 1 сакавіка будуць перададзены ў валоданне інжынернага рэспубліканскага ўнітарнага прадпрыемства «Белбудцэнтр» акцыі ААТ «Магілёўскі домабудаўнічы камбінат», «Трэст Белтрансбуд», «Гомельтэхмантаж», «Гомельпрамбуд», «Гроднапрамбуд», «Гомельскі домабудаўнічы камбінат», «Магілёўтэхмантаж».

Пастанова прынята ў адпаведнасці з указам ад 28 снежня 2009 года №660 «Аб некаторых пытаннях стварэння і дзейнасці холдынгаў у Рэспубліцы Беларусь» і ўказам ад 4 ліпеня 2012 года №294 «Аб парадку распараджэння дзяржаўнай маёмасцю».

БЕЛТА