Традыцыйная дабрачынная навагодняя акцыя «Нашы дзеці» працягвае дарыць радасць і дарослым, і дзецям.

Так, сёння Шклоўскую спецшколу-інтэрнат для дзяцей з парушэннямі зроку наведаў намеснік старшыні Магілёўскага аблвыканкама Андрэй Кунцэвіч, які павіншаваў педагагічны калектыў і дзяцей з навагоднімі святамі і прывёз яе выхаванцам падарункі ад кіраўніка дзяржавы з пажаданнямі, што развіваючыя настольныя гульні знойдуць годнае прымяненне ў сценах адукацыйнай установы.

У сваю чаргу дзеці падрыхтавалі для ганаровых гасцей сувеніры, зробленыя сваімі рукамі, а таксама невялікую канцэртную праграму.

Районная газета «Ударны фронт»