Адбылася тэлефонная размова Прэзідэнта Рэспублікі Беларусь Аляксандра Лукашэнкі з Прэзідэнтам Расійскай Федэрацыі Уладзімірам Пуціным. Пра гэта паведамілі ў прэс-службе беларускага лідара.

Кіраўнік беларускай дзяржавы цёпла павіншаваў расійскага лідара з днём нараджэння, пажадаў здароўя і далейшых поспехаў на пасадзе кіраўніка краіны.

Прэзідэнты коратка абмеркавалі бягучы парадак дня беларуска-расійскіх адносін, традыцыйна зрабілі акцэнт на гандлёва-эканамічным супрацоўніцтве. У графіку маючых адбыцца кантактаў галоўнай падзеяй быў названы V Форум рэгіёнаў дзвюх краін, які ўжо на наступным тыдні адбудзецца ў Магілёве. Кіраўнікі дзяржаў яшчэ раз удакладнілі фармат яго правядзення, а таксама выказалі надзею, што вынікам мерапрыемства стане яшчэ большае паглыбленне ўзаемавыгаднага супрацоўніцтва Беларусі і Расіі.

БЕЛТА