Банкаўскія карткі могуць не працаваць у Беларусі ноччу 18 жніўня, паведамілі ў Банкаўскім працэсінгавым цэнтры.

З 2.00 да 6.00 будуць праводзіцца тэхналагічныя работы па мадэрнізацыі комплексу апрацоўкі аўтарызацыйных запытаў у рэжыме рэальнага часу.

У гэты час магчымы перапынкі ў абслугоўванні трымальнікаў картак банкаў, якія карыстаюцца паслугамі Банкаўскага працэсінгавага цэнтра, а таксама ў сетцы арганізацый гандлю (сэрвісу), пунктаў выдачы наяўных, прылад самаабслугоўвання, банкаматаў, якія абслугоўваюцца банкамі, падключанымі да апаратна-праграмнага комплексу цэнтра.

Банкаўскі працэсінгавы цэнтр абслугоўвае больш за 9 млн картак, да яго падключана 77,6 тыс. арганізацый гандлю і сэрвісу, 119 тыс. плацежных тэрміналаў, больш за 3 тыс. банкаматаў і 2,5 тыс. інфакіёскаў.

БЕЛТА