Барцы Магілёўскай вобласці заваявалі сем узнагарод 47-га міжнароднага турніру Гран-пры на прызы трохразовага алімпійскага чэмпіёна Аляксандра Мядзведзя.

Уладальніцай залатога медаля стала Ксенія Станкевіч (48 кг). Акрамя таго, дзяўчына на спаборніцтвах выканала нарматыў майстара спорту міжнароднага класа. Серабро на рахунку ў Рамана Чытадзе (86 кг), Мадзіны Сідаковай (60 кг) і Ганны Садчанка (69 кг). На трэцюю прыступку п’едэстала падымаліся Таццяна Яфрэменка (48 кг), Заліна Сідакова (55 кг).

Усяго беларускія спартсмены заваявалі на традыцыйных спаборніцтвах 15 узнагарод.