Беларуска-Расійскі ўніверсітэт прымае заяўкі на ўдзел у адкрытым фестывалі «Палітра творчасці». Форум пройдзе 28-30 лістапада, паведамілі ва ўстанове адукацыі.

Канкурсантамі могуць стаць студэнты ВНУ і навучэнцы ССНУ, навучанне якіх не звязана з атрыманнем спецыяльнасці па харэаграфіі, тэатральнай дзейнасці, вакале, харавым дырыжыраванні і фотасправе. Для гэтага неабходна накіраваць заяўку да 20 лістапада на адрас: 212000, горад Магілёў, праспект Міру, 43, сектар педагагічнага суправаджэння і развіцця творчых ініцыятыў БРУ, або на email: studclub300@mail.ru з пазнакай «На фестываль». Дадатковую інфармацыю можна даведацца па тэлефоне (80222)72-28-93, (8029)618-55-20.

Фестываль пройдзе ў фармаце самастойных конкурсных праграм: папулярнай песні «Студэнцкі лістапад»і фотаспаборніцтваў (28 лістапада), сучаснага і эстраднага танца«Танцы 100%»,«ТЭАТР+» (29 лістапада). Гала-канцэрт і ўзнагароджанне пераможцаў дыпломамі і каштоўнымі падарункамі правядуць 30 лістапада.

Палажэнне адкрытага фестывалю «Палітра творчасці»