У раённых цэнтрах Магілёўскай вобласці будуць вучыць весці бізнес. Чатыры гарады – Крычаў, Чавусы, Мсціслаў і Горкі – выбраны пілотнымі для рэалізацыі праекта Праграмы развіцця ААН у Беларусі.

Праект фінансуе расійскі бок. На яго рэалізацыю выдзелены $1 млн.

У першую чаргу праграма разлічана на пачынаючых прадпрымальнікаў. Іх будуць вучыць, як правільна весці бізнес і пазбегнуць праблем.

Галоўная ідэя праекта – павысіць занятасць і самазанятасць насельніцтва ў малых і сярэдніх гарадах Беларусі. Пасля яго завяршэння эксперты прааналізуюць вынікі і дадуць рэкамендацыі, як удасканаліць сістэму падтрымкі прадпрымальніцтва.