Больш за 100 байцоў моладзевых атрадаў аховы правапарадку прымуць удзел у абласной спартакіядзе «Акадэмія мужнасці». Спаборніцтвы пройдуць 19 кастрычніка на базе Магілёўскай в/ч 6713 (вул. Вароўскага, 38) і набярэжнай ракі Днепр. Пра гэта карэспандэнту сайта паведамілі ў АК ГА «БРСМ». 

За права стаць найлепшымі будзе змагацца 12 каманд з Магілёва, Бабруйска, Касцюковічаў, Горак, Чавус, Шклова, Круглага, Кіраўска, Асіповічаў, Магілёўскага раёна. Хлопцаў чакаюць тэарэтычныя заданні, якія ўключаюць пытанні па прававой і медыка-санітарнай падрыхтоўцы. Спартыўная частка будзе складацца з бегу на 100 м і 1000 м, стральба з пнеўматычнай зброі, трохбор’я, кідання гранаты на дакладнасць і перацягванне каната.

Пераможцаў узнагародзяць дыпломамі і каштоўнымі прызамі.

Сёння ў Магілёўскай вобласці налічваецца 186 моладзевых атрадаў аховы правапарадку, якія аб’ядноўваюць 2680 байцоў. На рэспубліканскім этапе «Акадэміі мужнасці» каманда нашага рэгіёна не аднойчы станавілася пераможцай. Так, у 2018-м нашы хлопцы занялі на спаборніцтвах першае месца.

Арганізатарам мерапрыемства выступае Магілёўскі абласны камітэт ГА «БРСМ».