Абласны конкурс прафесійнага майстэрства сярод аратых пройдзе 26 кастрычніка на полі ААТ «Магілёўскі Лянок» (каля развязкі на Дрыбін). Спаборніцтва збярэ больш за 40 удзельнікаў – па два прадстаўнікі ад кожнага з 21 раёнаў, адзначылі ў Магілёўскім абласным камітэце работнікаў АПК.

Трактарысты-машыністы будуць спаборнічаць у дзвюх намінацыях: на энерганасычаных трактарах МТЗ-1221 з 4-корпуснымі плугамі і на машынах МТЗ-3022 з 8-корпуснымі плугамі. На тэарэтычным этапе ім трэба будзе адказаць на пытанні па ахове працы, тэхналогіі вытворчасці, эксплуатацыі сельгасмашын і інш.

Практычная частка конкурсу будзе адпрацоўвацца непасрэдна ў полі. Канкурсантам прапануюць за пэўны час узараць пазначаны ўчастак зямлі. Суддзі, якія будуць сачыць за працэсам, памераюць глыбіню ўзворвання, ацэняць яе дакладнасць, а таксама ўлічаць шэраг іншых

У кожнай з намінацый будуць вызначаны па тры пераможцы з уручэннем дыпломаў адпаведных ступеняў і каштоўных падарункаў.

Арганізатарамі штогадовага конкурсу прафесійнага майстэрства выступаюць Камітэт па сельскай гаспадарцы і харчаванні Магілёўскага аблвыканкама і Магілёўскі абкам прафсаюза работнікаў АПК.