У маладзёжнай сталіцы Беларусі 25-26 мая пройдзе рэспубліканскае свята «Моладзь і творчасць – гісторыя будучыні». Лепшыя творчыя калектывы і індывідуальныя выканаўцы харэаграфічнага, вакальнага, фальклорнага, інструментальнага і тэатральнага жанраў прадэманструюць сваё майстэрства на інтэрактыўных пляцоўках, выставах, святах, у тэматычных канцэртных праграмах. У мерапрыемстве прыме ўдзел больш за 600 студэнтаў беларускіх ВНУ.

Так, 25 мая запланавана акцыя «Студэнты – дзецям» з наведваннем устаноў адукацыі для дзяцей-сірот і дзяцей, якія засталіся без апекі бацькоў, з асаблівасцямі псіхафізічнага развіцця. У гэты ж дзень студэнты вузаў адправяцца ў Магілёўскі абласны драмтэатр. Тут адбудзецца цырымонія ўзнагароджання прызёраў (2 і 3 месцы) рэспубліканскага фестывалю мастацкай творчасці навучэнцкай і студэнцкай моладзі «АРТ-вакацыі».

Святочныя мерапрыемствы працягнуцца 26 мая. На плошчы Зорак запланаваны маладзёжныя флэш-моб, уручэння спецыяльнай прэміі Магілёўскага абласнога выканаўчага камітэта ў сацыяльнай сферы, інтэрактыўная праграма «Арт-Палёт-2018» і канцэрт прызёраў фестывалю «АРТ-вакацыі». Акрамя таго, у скверы 40-годдзя Перамогі будзе арганізавана шырокамаштабная прафарыентацыйная кампанія і творчыя майстэрні вузаў краіны.

Завершыцца рэспубліканскае свята вялікім гала-канцэртам з удзелам пераможцаў фестывалю «АРТ-вакацыі», які пройдзе ў абласным цэнтры творчасці. На плошчах побач разгорнецца выстава ўстаноў прафесійна-тэхнічнай і сярэдняй спецыяльнай адукацыі Магілёўшчыны.

ПРАГРАМА