Больш за 700 школьнікаў Магілёва працаўладкаваны ў час летніх канікул. Для забеспячэння другаснай занятасці непаўналетніх у летні перыяд ўпраўленне па працы, занятасці і сацыяльнай абароне Магілёўскага гарвыканкама выдзеліла больш як Br150 тыс.

Напрыклад, цэнтру творчасці «Эверэст» накіравана на асваенне каля Br7 тыс. Частка сродкаў пайшла на набыццё матэрыялаў, астатняе – на заработную плату падлеткам.

«У нас працавала 25 чалавек, – расказала дырэктар дзяржаўнай установы дадатковай адукацыі Анастасія Мацюліна. – Адны займаліся мастацкімі вырабамі для падарункавага фонду сацустаноў, другія – пашывам пасцельнай бялізны для дамоў-інтэрнатаў».

Школьнікі працавалі 10 дзён па 4 гадзіны. Пры такім графіку яны змаглі зарабіць да Br140. Кожны атрымаў працоўную кніжку.

ТРК "Могилев"