Больш за 80 школьнікаў рэгіёна прыняло ўдзел у абласным конкурсе відэаролікаў «Магілёўскі край – любі і праслаўляй». Хлопцы і дзяўчаты здымалі сюжэты пра родны край, выкарыстоўваючы тэлефоны, планшэты, фотаапараты, а потым выкладвалі работы ў Інтэрнэт. Паставіць лайк упадабанаму відэа і наблізіць ўдзельніка да перамогі мог кожны.

У выніку прыз глядацкіх сімпатый атрымала работа «Сярод вуліц і сцен гарадской мітусні» вучаніцы магілёўскай школы № 5 Аляксандры Ларынай. Найлепшым, на думку журы, стаў відэаролік Дар’і Васіленка з СШ № 40 абласнога цэнтра. Усе фіналісты атрымалі ганаровыя граматы, а пераможцы – прафесійныя падарункі.

Рэжысёр тэлерадыёкампаніі «Магілёў» Аляксандр Грыгалец, які стаяў ля вытокаў тэлебачання вобласці, правёў для фіналістаў майстар-клас.

Па матэрыяле ТРК «Могилев»