За студзень 2018 года ў кансалідаваны бюджэт Магілёўскай вобласці паступіла Br110,7 млн. Аб гэтым карэспандэнту сайта паведамілі ў прэс-цэнтры інспекцыі МПЗ па рэгіёне.

Найбольшыя сумы займаюць пералічэнні па падатку на дабаўленую вартасць – Br40,8 млн. (36,8%), падаходным падатку – Br33,7 млн. (30,4%), падатку пры спрошчанай сістэме падаткаабкладання – Br10,2 млн. (9,2%), акцызы – Br9,2 млн. (8,3%).

У рэйтынгу найбуйнейшых плацельшчыкаў вобласці за студзень значацца 10 арганізацый: ААТ «Клімавіцкі лікёра-гарэлачны завод», ЗАТ «Бабруйскі бровар», РУП «Магілёўэнерга», філіял ТАА «Еўрагандаль» у Магілёве, РУП «Магілёўаблгаз», ААТ «Будтрэст № 12» Кіруючая кампанія Холдынгу «БУДТРЭСТ-ХОЛДЫНГ», ЗАТ «Завод палімерных труб», Магілёўскі філіял РУП «Белтэлекам», РУП «Беларуснафта-Магілёўаблнафтапрадукт», філіял «Бабруйскі Гандлёвы цэнтр «Карона»». Імі выплачана ў бюджэт Br21,1 млн, што складае 19% агульных паступленняў у кансалідаваны бюджэт рэгіёна.