Больш за Br4,2 тыс. выдзелена ў гэтым годзе прафсаюзамі вобласці на заахвочванне работнікаў сельгасарганізацый за дасягненне найлепшых паказчыкаў у ходзе ўборкі ўраджаю збожжавых культур.

Матэрыяльнае заахвочванне атрымаюць экіпажы камбайнераў, вадзіцелі, аператары зернесушыльных комплексаў – без малога 130 чалавек. На чарговае ўшанаванне ў Быхаўскім і Круглянскім раёнах выехаў старшыня Магілёўскага абласнога аб’яднання прафсаюзаў Дзмітрый Янкоў. Прама ў полі і на збожжатоках ён уручыў найлепшым працаўнікам грашовыя прэміі і сімволіку ўборачнай кампаніі 2018 года.

Дарэчы, у ходзе працоўнага спаборніцтва для заахвочвання прадстаўляліся работнікі гаспадарак, якія дасягнулі найлепшых вынікаў працы, пры ўмове, калі ў раёне ўбрана 30 працэнтаў плошчаў, занятых пад збожжавыя культуры.

Фота - Магілёўскае абласное аб'яднанне прафсаюзаў