Буйная партыя нелегальнай спіртазмяшчальнай вадкасці канфіскавана ў Магілёве падчас правядзення кантрольных мерапрыемстваў па спыненні незаконнага абароту падакцызных тавараў. Пра гэта паведаміў намеснік начальніка ўпраўлення Дэпартамента фінансавых расследаванняў Камітэта дзяржаўнага кантролю Беларусі па Магілёўскай вобласці Аляксандр Шаройкін.

Супрацоўнікі фінансавай міліцыі абследавалі склад па вуліцы Габраўскай, які належыць магілёўскаму таварыству з абмежаванай адказнасцю, і ўстанавілі факт захоўвання 6350 л вадкасці з утрыманнем спірту (шклоамывальную вадкасць «Обзор»). Прадукцыя расійскай вытворчасці коштам Br5,1 тыс. у 5-літровых ПЭТ-бутэльках не прамаркіравалі ва ўстаноўленым парадку кантрольнымі (ідэнтыфікацыйнымі) знакамі Беларусі.

Указаны тавар дастаўлены ў абласны цэнтр з Расіі і прызначаўся для далейшага нелегальнага перапродажу на аўтамабільным рынку.

Гэтая вадкасць канфіскавана. У цяперашні час разглядаецца пытанне аб прыцягненні правапарушальніка да адміністрацыйнай адказнасці па арт. 12.35 КаАП Рэспублікі Беларусь. Санкцыя артыкула прадугледжвае адказнасць у выглядзе штрафу ў памеры да 20 базавых велічынь з канфіскацыяй тавару або без канфіскацыі.

Аляксандр Шаройкін звярнуў увагу, што грамадзяне, якія займаюцца нелегальным абаротам спіртазмяшчальнай вадкасці, акрамя адміністрацыйнай адказнасці, могуць быць прыцягнуты і да крымінальнай адказнасці па арт. 233 (незаконная прадпрымальніцкая дзейнасць) КК Рэспублікі Беларусь.