Прававыя прафсаюзныя прыёмы грамадзян пройдуць у Магілёўскай вобласці 25 кастрычніка. У гэты дзень кожны жадаючы зможа атрымаць бясплатную кансультацыю юрыстаў па пытаннях, звязаных з абаронай працоўных і сацыяльна-эканамічных правоў і інтарэсаў. Плануецца, што ў большасці раёнаў сустрэчы пройдуць сумесна з прадстаўнікамі органаў пракуратуры.

Месца і час правядзення прыёму можна даведацца па тэлефоне Магілёўскага абласнога аб’яднання прафсаюзаў: (80222) 65 34 95.

Бясплатныя прававыя прафсаюзныя прыёмы праходзяць у Беларусі пачынаючы з 2015 года. З лістапада 2017 года яны праводзяцца з удзелам пракуратуры. Такое ўзаемадзеянне ў сферы абароны канстытуцыйных правоў і гарантый працоўных дае толькі станоўчыя вынікі.

Па словах галоўнага прававога інспектара абласнога аб’яднання прафсаюзаў Іны Чабатарэўскай, толькі за першае паўгоддзе 2018 года на прыём да прававых інспектараў працы па атрыманне юрыдычнай дапамогі ў раёнах і гарадах вобласці звярнулася 360 чалавек. За ўвесь 2017 год гэтая лічба склала 548 грамадзян.