Суб’екты малога і сярэдняга бізнесу рэгіёна за студзень-кастрычнік 2018 года заплацілі ў бюджэт Br341,3 млн., або 33,6% ад агульных паступленняў. Пра гэта паведамілі ў прэс-цэнтры інспекцыі МПЗ па Магілёўскай вобласці. 

У параўнанні з аналагічным перыядам мінулага года паступленні павялічыліся на 12,5%, або на Br37,9 млн. у фактычным вылічэнні.

Фінансавыя ўліванні ад арганізацый-суб’ектаў малога і сярэдняга прадпрымальніцтва ўзраслі на 12,4% і склалі Br295,3 млн. Ад індывідуальных прадпрымальнікаў павялічыліся на 13%. Імі выплачана ў бюджэт Br46 млн.

На 1 лістапада 2018 года на Магілёўшчыне колькасць суб’ектаў малога і сярэдняга бізнесу складала 31,8 тыс. плацельшчыкаў, у тым ліку 23,3 тыс. індывідуальных прадпрымальнікаў і 8,5 тыс. юрыдычных асоб.