Частка аўтадарогі Мінск-Магілёў будзе перакрытая сёння па прычыне следчага эксперыменту, як паведамілі ва ўпраўленні Следчага камітэта па Мінскай вобласці.

З 16.00 да 17.30 на 57-м кіламетры аўтадарогі Мінск-Магілёў недалёка ад вёскі Рудня Астравітая Чэрвеньскага раёна запланавана правядзенне следчага эксперыменту з мэтай устанаўлення абставінаў ДТЗ, якое адбылося тут. «Рух транспартных сродкаў у напрамку Магілёва ў гэты час будзе абмежаваны», – праінфармавалі ва УСК.

Следчыя просяць удзельнікаў дарожнага руху планаваць маршрут з улікам прадастаўленай інфармацыі.

БЕЛТА