У Магілёўскай дзяржаўнай гімназіі-каледжы мастацтваў 15 студзеня а 12.00 адбудзецца дабрачынны канцэрт «Гімназія-каледж збірае сяброў». Пра гэта паведамілі ва ўстанове адукацыі.

У праграме прагучыць калядная класічная і сучасная музыка ў выкананні навучэнцаў гімназіі і Нававільнюскай музычнай школы (Літва). У мерапрыемстве прымуць удзел прадстаўнікі РГА «Белая Русь», Беларускага саюза жанчын, латышскай дэлегацыі з Даўгаўпілса, літоўскай дэлегацыі з Вільні, Пасольства Японіі ў Беларусі і дома польскага ў Магілёве.

Сродкі, сабраныя падчас канцэрта, будуць пералічаны ў Беларускі дзіцячы фонд на аперацыі і лячэнне цяжкахворых дзяцей.

Прыняць удзел у дабрачыннай акцыі запрашаюцца ўсе жадаючыя. Уваход на канцэрт вольны.