Дзесяць дагавораў на агульную суму Br425 млн заключана сёння на першым інвестыцыйным форуме «Магілёўскі раён – тэрыторыя магчымасцей», паведаміла намеснік старшыні па эканоміцы Магілёўскага райвыканкама Ірына Чындо.

Самы буйны дагавор быў заключаны паміж ЗАТ «Сервалюкс Агра» (Беларусь) і ТАА «Сервалюкс Усход» (Расія) на пастаўку птушкі ў Расію ў 2020 годзе. Сума дагавора – $20 млн.

Акрамя гэтага, былі ўкладзены інвестыцыйныя дагаворы на $5 млн паміж ПВУП «Газасілікат Магілёў»і ТАА «Белблок». Дагавор на экспартную пастаўку прадукцыі на $3 млн заключылі ТАА «Протас»і ТАА «Метінвест Дыстрыбуцыя».

На форуме памочнік прэзідэнта–інспектар па Магілёўскай вобласці Міхаіл Русы і старшыня Магілёўскага райвыканкама Алег Чыкіда правялі перагаворы з прадстаўнікамі бізнесу і турыстычнай сферы з Расіі і Украіны.

Магілёўскі раён стаў першым у рэспубліцы, дзе праведзены лакальны інвестыцыйны форум. Такая форма працы дазваляе азнаёміцца з эканамічным патэнцыялам раёна, прыцягнуць бізнес-партнёраў. Верагодна, падобныя мерапрыемствы пачнуць арганізоўваць і ў іншых раёнах Беларусі.

БЕЛТА