Кінапаказы дакументальных фільмаў «Невядомае аб вядомых беларусах», прысвечаныя Году малой радзімы, пакажуць з 12 па 23 ліпеня ў малой зале кінатэатра «Радзіма» Магілёва. Пра гэта карэспандэнту сайта паведамілі ў аддзеле рэкламы, сувязі са СМІ і метадычнай работы Магілёўскага дзяржаўнага прадпрыемства «Кінавідэапракат».

Праграма кінапаказаў уключае 12 стужак з цыклаў «100 імёнаў Беларусі», «Адваротны адлік» гістарычных фільмаў студыі «Майстэрня Уладзіміра Бокуна», падрыхтаваных па заказе тэлеканала АНТ. «Фільмы апавядаюць пра невядомыя факты з жыцця выдатных асоб: мастакоў, пісьменнікаў, навукоўцаў, палітыкаў, ваенных, вартых асобнай старонкі ў гісторыі нашай краіны. Сярод іх Францыск Скарына, Еўфрасіння Полацкая, Соф’я Кавалеўская, Кірыл Арлоўскі, Сяргей Вайцяхоўскі і многія іншыя», – удакладнілі суразмоўцы.