Доступ да сэрвісу падатковых органаў атрымала 56,7 тыс. жыхароў Магілёўскай вобласці. Усе яны з’яўляюцца карыстальнікамі інтэрнэт-сэрвісу «Асабісты кабінет фізічнай асобы», паведамілі ў прэс-цэнтры інспекцыі МПЗ Беларусі па Магілёўскай вобласці.

У «асабісты кабінет» паступаюць паведамленні на выплату маёмасных падаткаў (падатку на нерухомасць і зямельнага падатку), якія можна раздрукаваць. Астатнія плацельшчыкі атрымліваюць іх поштай.

Функцыянал развіваецца. Для зручнасці фізічных асоб з гэтага года рэалізавана магчымасць запаўнення і адпраўкі ў падатковую інспекцыю дэкларацыі па падаходным падатку.

Асабісты кабінет дазваляе запісацца на асабісты прыём да кіраўніцтва падатковай інспекцыі, аплаціць падаткі праз інтэрнэт-банкінг, паглядзець кадастравы кошт зямельнага ўчастка.

Дадзены сэрвіс дазваляе ў любы час атрымліваць актуальную інфармацыю аб сумах налічаных і выплачаных падатковых плацяжоў, аб наяўнасці пераплаты, аб запазычанасці па падатках перад бюджэтам, кантраляваць стан разлікаў з бюджэтам.

Самы просты спосаб атрымаць доступ да сэрвісу – звярнуцца ў любую падатковую інспекцыю з пашпартам, для атрымання лагіна і пароля. Паслуга прадастаўляецца бясплатна.

Спампаваць версію мабільнага дадатку фізічныя асобы могуць на сайце МПЗ у разделе «Электронныя сэрвісы».