Дырэктар Магілёўскага абласнога метадычнага цэнтра народнай творчасці і культурна-асветніцкай працы Алег Хмялькоў стаў пераможцам конкурсу «Чалавек Года культуры» ў намінацыі «Клубная дзейнасць».

Алег Хмялькоў узначальвае цэнтр творчасці на працягу апошніх 11 гадоў. Ён з’яўляецца старшынёй Рэспубліканскага грамадскага савета дырэктараў цэнтраў народнай творчасці, членам Рэспубліканскага грамадскага савета па справах культуры і мастацтваў пры Савеце Міністраў Рэспублікі Беларусь.

Конкурс «Чалавек Года культуры» праводзіўся Міністэрствам культуры Беларусі як праект Года культуры, якім быў аб’яўлены 2016-ы. Пераможцаў конкурсу журы назвала ў 14 намінацыях.

Цырымонія ўзнагароджання праходзіць 8 лютага ў Палацы мастацтваў горада Бабруйска, які прыняў статус культурнай сталіцы Беларусі 2017 года.