Дзень адчыненых дзвярэй правядзе 9-10 лютага Магілёўскі дзяржаўны ўніверсітэт харчавання. Пра гэта паведамілі ў адміністрацыі ВНУ.

Так, абітурыентаў запрашаюць 9 лютага ў 13.00, а 10 лютага ў 10.00 у корпус №1 па праспекце Шміта, 3.

«Дзень адчыненых дзвярэй – выдатная магчымасць убачыць універсітэт знутры, вызначыцца з выбарам навучальнай установы і напрамку навучання, – распавялі суразмоўцы. – Хлопцаў і дзяўчат чакаюць прэзентацыі ўсіх спецыяльнасцяў універсітэта, выступленні кіраўнікоў універсітэта, адказнага сакратара прыёмнай камісіі, вядучых спецыялістаў па напрамках навучання, экскурсія па ўніверсітэце, індывідуальныя кансультацыі».