Дзень адчыненых дзвярэй адбудзецца ў Магілёўскім інстытуце МУС (вул. Крупскай, 67) 5 кастрычніка ў 15.00. Пра гэта карэспандэнту сайта паведамілі ў адміністрацыі ВНУ.

Гасцей чакае выступленне кіраўнікоў інстытута, адказнага сакратара прыёмнай камісіі, экскурсія па ВНУ. Для тых, каму будзе неабходна больш падрабязная інфармацыя, правядуць індывідуальныя кансультацыі.

У гэты дзень таксама арганізуюць выставу спецыяльных сродкаў, якія выкарыстоўваюцца ў паўсядзённай дзейнасці ДАІ, узбраення і спецсродкаў супрацоўнікаў міліцыі. Кафедра крымінальнага працэсу і крыміналістыкі прадэманструе навучэнцам розныя прылады і прыстасаванні з вобласці крымтэхнікі.

Завяршальным акордам Дня адчыненых дзвярэй стане канцэртная праграма, падрыхтаваная творчымі калектывамі ведамаснага ВНУ: вакальна-інструментальным ансамблем, танцавальным калектывам, групай рукапашнага бою і іншымі.

Прыёмная кампанія – 2019 на факультэце міліцыі ў Магілёўскім інстытуце МУС ужо пачалася. Да 15 красавіка 2019 года абітурыентам неабходна звярнуцца ў РАУС па месцы жыхарства. Падрабязная інфармацыя на сайце інстытута www.institutemvd.by. Па пытаннях звяртацца ў афіцыйную групу Магілёўскага інстытута МУС у сацыяльнай сетцы «Укантакце» vk.com/mimvd.

Магілёўскі інстытут МУС з’яўляецца найстарэйшай навучальнай установай сістэмы МУС і рыхтуе супрацоўнікаў органаў унутраных спраў для розных падраздзяленняў нашай краіны.