Дзень ваенна-паветраных сіл Беларусі адсвяткуюць у Бабруйску 18 жніўня. Мерапрыемства пройдзе на ваенным аэрадроме, паведамілі ў гарвыканкаме.

Гасцей свята чакаюць паказальныя выступленні байцоў 5-й асобнай брыгады спецыяльнага прызначэння (Мар’іна Горка) і кіналагічнай службы Бабруйскага аддзела Дэпартамента аховы МУС Рэспублікі Беларусь. Таксама адбудзецца канцэртная праграма мясцовых творчых калектываў.

Шырока будуць прадстаўлены тэматычныя пляцоўкі. Тут жадаючым прапануюць пазнаёміцца з выставай узбраення і ваеннай тэхнікі Ваенна-паветраных сіл і войскаў СПА краіны, наведаць экспазіцыю гісторыі развіцця авіяцыі ў Бабруйску, паглядзець тэматычныя фільмы ў кіназале «Дарога да зорак». Аматараў актыўнага адпачынку запросяць пагуляць у «Лазертаг». Акрамя таго, будуць працаваць дзіцячыя атракцыёны, гандлёвыя рады, палявая кухня, пляцоўка паслуг медустаноў Бабруйска «Гаворым здароўю: «Так!», выстава-продаж майстроў дэкаратыўна-прыкладной творчасці і інш. Самыя смелыя змогуць з агляднымі палётамі ўзвіць над горадам на АН-2 і «Вильга».

Тэхнічны аддзел ДУА «Цэнтр творчасці дзяцей і моладзі г. Бабруйска» таксама не застаўся ў баку. Акрамя паказальных выступленняў аб’яднання па інтарэсах «Картынг», конкурсна-гульнявой праграмы для дзяцей, выставы авіямадэляў, запланаваны майстар-класы па вырабе паветранага змея і кідальнага планёра.

Акрамя забаўляльнай праграмы, спецыялісты цэнтра арганізуюць фестываль паветраных змеяў «Стракатае неба». Маляўнічае мерапрыемства прадугледжвае не толькі масавы запуск змеяў, але і конкурс па шэрагу намінацый сярод самастойна вырабленых экземпляраў і пакупных. Так, журы абярэ змея з самым доўгім і маляўнічым хвастом, пераможцаў у катэгорыі «Уладар неба» (самы тэхнічна дасканалы паветраны змей), «Найвышэйшы пілатаж» (найбольш высокі палёт) і «Маляўнічае неба» (самы яркі змей).

У сувязі з правядзеннем святочных мерапрыемстваў 18 жніўня з 9.00 да 20.15 маршрут руху гарадскіх аўтобусаў №6, 8а, мікрааўтобусаў №6, 41, 43, 70 падоўжаны да раёна аэрадрома.

Праграма