Магілёўскія энергетыкі завяршаюць падрыхтоўку да зімы цеплакрыніц і цепласетак. Якасна забяспечыць бесперабойную працу спажыўцоў цеплавой энергіяй у асенне-зімовы перыяд дазволіць вытворчасць работ па будаўніцтве, рэканструкцыі, планавых рамонтах, тэхабслугоўванні абсталявання Магілёўскай ЦЭЦ-1, Магілёўскай ЦЭЦ-3 і цеплавых сетак, паведамілі ў адміністрацыі філіяла «Магілёўскія цеплавыя сеткі» РУП «Магілёўэнерга».

Работы па будаўніцтве і рэканструкцыі аб’ектаў у Магілёве і Касцюковічах выконваюць з прыцягненнем падрадных арганізацый. Зараз ідзе рэканструкцыя цепласетак у Магілёве па вуліцах Пляханава, Вавілава і Каралёва. У Касцюковічах – па вуліцах Зіньковіча і Чырвонаармейскай.

Вялікі аб’ём работ правялі летам. Падчас гідраўлічных выпрабаванняў цепласетак на трываласць па ўсіх цеплакрыніцах Магілёва і Касцюковіч выявілі 190 пашкоджанняў, з якіх 101 – на цеплавых сетках філіяла «Магілёўскія цеплавыя сеткі». Зараз завяршаюцца работы па ліквідацыі пашкоджанняў і планавай замене цепласетак. Практычна фінішавала і падрыхтоўка цеплакрыніц філіяла.

«Радыё Магілёў»