III Епархіяльная Алімпіяда праваслаўных ведаў «Евангельскія прыпавесці ў маім жыцці» пройдзе ў Бабруйску 3-16 лютага. Пра гэта паведамляецца на сайце Бабруйскай епархіі.

Традыцыйна спаборніцтва збярэ навучэнцаў парафіяльных нядзельных школ і дзяцей, якія наведваюць факультатыўныя заняткі рэлігіязнаўчай накіраванасці ва ўстановах агульнай сярэдняй адукацыі. Удзельнікі прадэманструюць не толькі пачатковыя рэлігійныя веды, але і праявяць эрудыцыю, творчасць.

Мерапрыемства праводзіцца ў адпаведнасці з планам супрацоўніцтва Бабруйскай епархіі і ўпраўлення па адукацыі, аддзела ідэалагічнай работы і па справах моладзі Бабруйскага гарвыканкама на 2018/2019 навучальны год.