Факты незаконнай прадпрымальніцкай дзейнасці па аказанні паслуг таксі выяўлены ў Магілёве, паведаміў старшы інспектар па асабліва важных справах другога аддзела ўпраўлення Дэпартамента фінансавых расследаванняў КДК Беларусі па Магілёўскай вобласці Сяргей Салаўёў.

Нелегальнай перавозкай пасажыраў займаліся грамадзяне, не зарэгістраваныя ў якасці індывідуальных прадпрымальнікаў. З мэтай надання легальнасці «бізнесу» яны выкарыстоўвалі сэрвіс заказу паслуг, які належыць аднаму з прадпрыемстваў Мінска. Пры гэтым у яго штаце «таксісты» не знаходзіліся. Карыстальнікі сэрвісу заказу таксі рэгістраваліся ў сістэме сайта аднаго з ТАА ў якасці вадзіцеляў з умовай пералічэння ў бюджэт «працадаўцы» 5% ад кожнага тарыфу заказу. Пры гэтым такімі выступалі як зарэгістраваныя ва ўстаноўленым парадку індывідуальныя прадпрымальнікі, так і фізічныя асобы без адпаведнай рэгістрацыі. Прапановы аб заказах размяшчаліся ў агульным доступе для ўсіх яго карыстальнікаў.

Па фактах выяўленых парушэнняў у дачыненні да перавозчыкаў упраўленнем складзена 6 пратаколаў аб адміністрацыйным правапарушэнні па ч. 1-1 арт. 12.7 КаАП Рэспублікі Беларусь (незаконная прадпрымальніцкая дзейнасць).

Эканамічным судом Магілёўскай вобласці вінаватыя асобы прыцягнуты да адказнасці ў выглядзе штрафу ў памеры ад 2 да 4 базавых велічынь (цяпер базавая велічыня складае Br24,5), з канфіскацыяй атрыманага прыбытку.

Ва УДФР звярнулі ўвагу, што грамадзяне, якія займаюцца незаконнай прадпрымальніцкай дзейнасцю, акрамя адміністрацыйнай адказнасці, могуць быць прыцягнуты і да крымінальнай адказнасці па арт. 233 (незаконная прадпрымальніцкая дзейнасць) КК Рэспублікі Беларусь.