Адзіны ў Магілёве «наглядчык гарадскіх гадзіннікаў» Генадзь Галоўчык працуе над цікавым праектам. Да канца вясны ў горадзе з’явіцца фантан з функцыяй гадзінніка.

«У цэнтры Магілёва на месцы былога Дома быту будуецца мультыфункцыянальны цэнтр. Інвестар прапанаваў мне ўпрыгожыць пляцоўку перад будынкам, і я распрацаваў праект, – расказаў Генадзь Галоўчык. – Усе дэталі раскрываць не буду. Скажу толькі, што гэта будзе дынамічны фантан з функцыяй гадзінніка, але без стрэлак і лічбаў – толькі са струямі вады».

Незвычайны аб’ект абяцае стаць адным з любімых месцаў для адпачынку магілёўцаў і для фотаздымкі.

Па матэрыяле sb.by